Italisë i nevojitet vetëm një pikë nga dy ndeshjet e mbetura në Ligën e Kombeve për t’u siguruar që të kualifikohet për çerekfinale, dhe me këtë edhe statusin e favorites në shortin e Kupës së Botës 2026.

Azzurrët mbeten në krye të Grupit A2 me 10 pikë pas fitores së mbrëmshme 4-1 ndaj Izraelit në stadiumin Bluenergy në Udine.

Mateo Retegui realizoi një penallti, ndërsa Davide Frattesi dhe dy golat e Giovanni Di Lorenzo plotësuan rezultatin.

Franca arriti një fitore 2-1 në fushën e Belgjikës, pavarësisht se Youri Tielemans humbi një penallti dhe Aurelien Tchouameni u ndëshkua me karton të kuq për Les Bleus.

Kjo i lë ata me nëntë pikë në vendin e dytë, ndërsa Belgjika ka katër dhe Izraeli zero.

Formati i Ligës së Kombeve ka ndryshuar këtë vit, kështu që dy ekipet e para do të kalojnë në fazën çerekfinale, në vend që vetëm fituesit e grupit të shkonin në Final Four.

Italia ka nevojë për vetëm një pikë nga dy ndeshjet e fundit të grupit, që janë në fushën e Belgjikës më 14 nëntor dhe në shtëpi ndaj Francës më 17 nëntor, për të siguruar njërën nga ato vende.

Mbase më e rëndësishmja, kalimi në çerekfinale të Ligës së Kombeve do t’u siguronte Azzurrëve statusin e favorites në shortin e kualifikimeve për Kupën e Botës 2026.

Ndeshjet e kualifikimeve të grupeve do të zhvillohen nga marsi 2025 deri në mars 2026.