Kryetari i Komunës së Vitisë, Sokol Haliti, ka deklaruar për Front Online se janë ende duke pritur për ekzekutimin e pagave për mësimdhënësit, duke shpresuar që ato do të realizohen sot ose nesër. Ai ka autorizuar punonjësit e buxhetit të flasin me pjesën profesionale në Ministrinë e Financave, e cila ka shprehur dakordësinë lidhur me situatën dhe beson se pagat do të ekzekutohen së shpejti.
“Jemi ende duke pritur, besoj qe pagat do të ekzekutohen sot apo nesër. Unë I kam autorizuar punëtorët e buxhetit të financave të flasin me pjesën profesionale në ministri , pjesa profesionale është dakorduar lidhur me dhe besoj që do të ekzekutohen pagat më në fund’’, tha Haliti.
Haliti gjithashtu theksoi se ankesat për vonesat janë të natyrshme dhe theksoi se është e papranueshme dhe e paqartë ligjërisht që mësimdhënësit të mbesin pa paga deri më 9-të të muajit. Ai përmendi se ligji për paga garanton të drejtat e çdo punëtori mbi të ardhurat e veta dhe se këto paga duhet të ekzekutohen pa vonesa.
‘’Ankesa kemi pasur sepse është e natyrshme te këtë ankesa nuk është e kuptueshme as ligjore nuk është deri m ë datën 9 të mbesin pa paga mësimdhënësit
Ligji për paga i garanton çdo punëtori mbi të ardhurat e veta dhe është dashur të ekzekutohen këto paga ‘’, përfundoi Haliti për FrontOnline.
Nëntë ditë pa paga/ A do t’i dalin sot ose nesër pagat mësimdhënësve të Vitisë?
