Einxhel Shkira, gazetarja e njohur shqiptare, ka kohë që qëndron larg ekranit televiziv.

Ajo pati një aventurë të paharruar në “Big Brother VIP Albania” dhe u prit që nga aty të vije me ndonjë projekt televiziv, shkruan Indeksonline.

Megjithatë, një gjë e tillë nuk ndodhi.

Ndonëse nisi familje me Dj Dagz dhe u bënë prindër, amësia duket se nuk është arsyeja që po mban Einxhelin larg televizionit.

Në fakt, arsyeja mund të qëndrojë konkurrenca.

Një ndjekës i ka shkruar Einxhelit në mesazhet e Instagramit, duke i kërkuar të prezantojë Festivalin e Këngës në RTSH.

“Të lutëm prezanto këtë vit Festivalin e RTSH-së”, ka qenë mesazhi që mori Einxhel.

Një kërkesë të tillë Einxhel s’e kishte marrë ndonjëherë, por arsyen përse nuk mund të ndodhë një gjë e tillë e tregon vet ajo.

“Mirë e ke ti, bukur do ishte, por s’të le radhë njeri. Se ne jemi bërë 5 moderatorë për metër katror” shkroi Einxhel.

Vallë cilit medium i hodhi kunj ajo?