Forcat izraelite kanë mbyllur zyrat e Al Jazeera në Bregun Perëndimor gjatë një transmetimi live. Marrëdhëniet mes Izraelit dhe rrjetit mediatik janë tensionuar ndjeshëm në kontekstin e ngjarjeve të fundit në Gaza.

Forcat izraelite bastisën zyrat e Al Jazeera-s në Ramallah të Bregut Perëndimor të pushtuar. Forcat izraelite urdhëruan mbylljen e tyre për 45 ditë. Ushtarë të armatosur dhe të maskuar hynë në ndërtesë gjatë një transmetimi të drejtpërdrejtë, duke dorëzuar urdhrin e mbylljes shefit të zyrës së Al Jazeera në Bregun Perëndimor, Walid al-Omari.

Kjo bastisje vjen pas një serie operacionesh të ngjashme në maj, kur zyrat e Al Jazeera në Nazaret dhe Jerusalemin Lindor të pushtuar, u sulmuan. Izraeli e konsideron Al Jazeera si një kërcënim për sigurinë kombëtare, një akuzë që rrjeti mediatik e mohon. Marrëdhëniet mes Izraelit dhe Al Jazeera janë përkeqësuar veçanërisht pas fillimit të luftës në Gaza, me rrjetin që ka mbetur ndër të vetmit që raportojnë nga terreni./RTK/