Ministrja gjermane e Shtetit për Evropën, Anna Luhrmann, këto ditë ka qëndruar për vizitë në Kosovë.

Përmes një shkrimi në rrjetin social “X”, ajo ka shpërndarë një fotografi me kryeministrin Albin Kurti, ku mes të tjerash ka thënë se ia ka bërë të qartë Qeverisë thirrjen për zhbllokimin e CEFTA-s.

“Mirënjohëse për diskutimet e hapura në Kosovë, pranë takimeve të këtij 10-vjetori të Procesit të Berlinit. Ia bëra të qartë Qeverisë se ne i bëjmë thirrje Kosovës ta mundësojë zhbllokimin e CEFTA-s dhe ta lejojë avancimin në Tregun e Përbashkët Rajonal për të sjellë përfitime konkrete për njerëzit në Kosovë”, tha ajo.