Driton Selmanaj, deputet i LDK’së ka folur për raportet e Kosovës me aleatë.
Sipas tij, Kosova njëherë ka nevojë t’i normalizojë raportet me aleatë pastaj të vazhdojë procesin e normalizimit me Serbinë.
Selmanaj në emisionin “Frontal” të T7, ka folur për Marrëveshjen e Uashingtonit. Ai tha se fitorja më e madhe e saj ka qenë përfshirja e presidentit të SHBA’së në dialogun Kosovë- Serbi.
“Fitorja më e madhe e këtij procesi ka qenë që ne e kemi përfshirë në një proces presidentin e SHBA’së”, tha ai.
Selmanaj tha se Kosova e ka derën e mbyllur në Shtëpinë e Bardhë dhe sipas tij fajtor është kryeministri Kurti.
“Në raport me Shtëpinë e Bardhë e kemi të mbyllur, kjo është tragjedi për Kosovën”.
