Presidentja e Republikës së Kosovës, Vjosa Osmani ka mbajtur fjalimin përmbyllës në Samitin e Paqes për Ukrainën në Zvicër ku morën pjesë liderë nga 100 shtete të të gjitha kontinenteve.

Në ditët më të vështira për popullin tonë, shtetet demokratike na erdhën në ndihmë duke dërguar sinjal të qartë se nuk do të lejojnë shtypjen e shfarosjen e një populli që luftonte për lirinë e vet.

25 vite pas Kosova është pjesë e aleancave që po mbrojnë vlerat e lirisë.

“Përgjatë historisë, lavdia e njerëzimit është përcaktuar nga trimat dhe ata që përballë mundësive dërrmuese nuk u dorëzuan kurrë, por është veçanërisht formë nga ata që me bindje të palëkundur besuan në fuqinë e paqes dhe forcën e qëndrueshme të pjesës sonë të njerëzimit” tha Osmani.

Teksa shton se duhet ndaluar kërcënimi i qetësisë së një kombi.

“Që nga 22 shkurti bota ishte dëshmitare dhe agresioni që kërcënon jo vetëm qetësinë e një kombi, por edhe vetë shpirtin e Evropës, por edhe Ukrainën do të mbizotërojë, sepse nuk ka asgjë dhe askush nuk mund të qëndrojë në rrugën e njerëzve që duan të jenë të lirë.”

Osmani përmendi edhe luftën e vitit 1999-të, duke bashkëndjerë dhimbjen e vuajtjen që po përjeton Ukraina, ashtu si Kosova 25 vjet më parë.

Poashtu Osmani falënderoi liderët e vendeve që nuk mbyllën sytë, por ndihmuan shtetin e Kosovës.

“25 vjet më parë unë isha një fëmijë i luftës i dëbuar nga shtëpia e saj duke u fshehur nga granatimet e agresorit në male duke mbajtur një radio të vogël në duar duke dëgjuar së bashku me shumë fëmijë të tjerë më vonë u bëra refugjat, por ju erdhët në shpëtimin tonë, vendet tuaja nuk mbyllën sytë para vuajtjeve tona, ju erdhët në shpëtimin tonë dhe më dhatë një shans të kthehem tani pas 25 vjetësh dhe faleminderit që u bëtë shpëtimtarët tanë, shpresoj t’u jepni të njëjtin shans fëmijëve të Ukrainës faleminderit,” përfundoi Osmani.