×
  • Bota/Rajoni
  • Bota/Rajoni

    OKB bën thirrje për rreth 3 miliardë dollarë për të ndihmuar palestinezët

    FrontOnline
    17 Prill 2024

    Kombet e Bashkuara bën thirrje për 2.8 miliardë dollarë për të ofruar ndihmën e nevojshme për 3 milionë palestinezë, duke theksuar se luftimi i urisë në Gazën e shkatërruar nga lufta nuk kërkon vetëm ushqim, por edhe ndërtimin e kanalizimeve dhe impianteve të ujit, si dhe ndërtesave shëndetësore.

    Andrea De Domenico, kreu i Zyrës humanitare të OKB-së për Gazën dhe Bregun Perëndimor, u tha gazetarëve se kërkohen të kryhen “operacionet masive” në mënyrë që këto shërbime të rikthehen dhe të kenë standarde minimale. Sipas tij, kjo nuk mund të bëhet në kohën kur operacionet ushtarake po vazhdojnë në enklavën palestineze.

    Ai tha se në Gazë janë shkatërruar spitale, sisteme të ujësjellësit e kanalizimeve, shtëpi, rrugë e shkolla.

    De Domenico tha se Izraeli së fundi përfundoi operacionin e dytë të madh ushtarak në spitalin Shifa – spitalin më të madh në Gazë – dhe ky operacion, sipas tij, ishte aq shkatërrimtar sa që ndërtesa është detyruar të mbyllet.

    Izraeli ka premtuar se do të hapë më shumë pika kufitare për në Gazë dhe do të rrisë dërgesat me ndihmë humanitare, pasi në një sulm me dronë u vranë shtatë punëtorë të ndihmës nga organizata Kuzhina Qendrore Botërore, të cilët më 1 prill ishin duke dërguar ushqim në territor.
    Vrasjet janë dënuar nga aleatët më të ngushtë të Izraelit, duke rritur kritikat ndaj Izraelit pas gjashtë muaj luftë.

    Lufta u nxit pasi Hamasi – grupi palestinez i shpallur organizatë terroriste nga Shtetet e Bashkuara dhe Bashkimi Evropian – sulmoi jugun e Izraelit më 7 tetor, duke vrarë afër 1.200 persona dhe duke rrëmbyer afër 250 të tjerë. Ofensiva izraelite në Gazë, që synon shkatërrimin e Hamasit, ka shkaktuar dëme të mëdha dhe ka lënë të vrarë afër 34.000 persona, sipas zyrtarëve lokalë shëndetësorë.

    De Domenico tha se ka sinjale se Izraeli ka “qëllime të mira” sa i përket rritjes së ndihmës humanitare në Gazë, duke përmendur hapjen e pikëkalimit në veri dhe hapjen e furrave të bukës në këtë pjesë të Gazës që përballet me situatë të rëndë humanitare.

    Megjithatë, ai tha se OKB-ja po kërkon që Izraeli të bëjë më shumë.

    Sipas autoriteteve ndërkombëtare që bëjnë vlerësime të krizave të urisë, uria është e pashmangshme në veri të Gazës, ku 70 për qind e personave po përballen me uri katastrofale. Në një raport të publikuar së fundi u paralajmërua se një përshkallëzim i luftës mund të shtyjë gjysmën e popullsisë së Gazës, prej 2.3 milionë banorësh, buzë urisë.

    OKB, tha De Domenico, kërkon 2.8 miliardë dollarë për pjesën e mbetur të vitit për Gazën dhe 10 për qind të kësaj vlere për Bregun e pushtuar Perëndimor, i cili po ashtu është përballur me rritje të dhunës dhe të sulmeve të kolonëve./rel

    KESCO Premium hapet në Qendër të Prishtinës
    Nga Rubrika
    Bota/Rajoni21 Maj 2024
    Të enjten, OKB do të votojë për miratimin e një rezolute përmes së cilës 11 korriku do të shpallet ditë për të...
    Bota/Rajoni21 Maj 2024
    Emmanuel Macron do të fluturojë sonte për në Kaledoninë e Re. Presidenti i Francës do të udhëtojë në ishull pas më shumë...
    Bota/Rajoni21 Maj 2024
    Dy persona janë arrestuar për vrasjen e një 25-vjeçari shqiptar në Athinë, ngjarje që ka ndodhur në vitin 2008. Strukturat Hetimore të...
    Të tjera
    Sport21 Maj 2024
    Trajneri i Kombëtares së Anglisë, Gareth Southgate ka ftuar plotë 33 futbollistë në listën preliminare për Euro 2024. Southgate nuk ka arritur...
    Bota/Rajoni21 Maj 2024
    Dy persona janë arrestuar për vrasjen e një 25-vjeçari shqiptar në Athinë, ngjarje që ka ndodhur në vitin 2008. Strukturat Hetimore të...
    Lajme21 Maj 2024
    Misioni i OSBE-së në Kosovë kanë thënë se kanë vëzhguar me shqetësim në rritje veprimet që janë ndërmarrë nga Policia e Kosovës...
    Lajme21 Maj 2024
    Zëvendësndihmësja e sekretarit amerikan të Shtetit në Byronë për Demokraci, të Drejta të Njeriut dhe Punë, Nicole Chulick, tha se është e...
    Bota/Rajoni21 Maj 2024
    Çifti i së njëjtës gjini, Edlira dhe Alba të cilat kurorëzuan dashurinë e tyre në martesë dhe u veshën me fustane të...
    Lajme21 Maj 2024
    Qeveria e Kosovës ka zhvilluar mbledhjen e rregullt, në të cilën ka miratuar disa nisma, projektligje dhe ka marrë disa vendime. Këto...

    FrontOnline, © 2024 Të gjitha të drejtat e rezervuara.