Azerbajxhani ka nisur “operacionet lokale kundër terrorizmit” në rajonin e Nagorno-Karabakut, shumica e banorëve të të cilit janë armenë, njoftoi ministria e mbrojtjes e vendit, në atë që tha se ishte një përpjekje për të rivendosur rendin kushtetues në enklavë.
BREAKING: The Azerbaijani armed forces are currently shelling the outskirts of Stepanakert. pic.twitter.com/LK9qcDphvN
— 301🇦🇲 (@301arm) September 19, 2023
“Në kuadër të këtyre masave, me ndihmën e armëve me precizion të lartë, u neutralizuan pozicionet e forcave të armatosura të Armenisë, si dhe instalimet ushtarake në vijën e frontit dhe territorin e enklavës,” tha Ministria e Mbrojtjes të Azerbajxhanit.
Ministria theksoi se synon të “çarmatosë forcat e armatosura të Armenisë, të sigurojë tërheqjen e tyre nga territoret tona dhe të neutralizojë infrastrukturën e tyre ushtarake”.
Armenia has urgently requested that citizens in Khankendi immediately go to shelters as Azerbaijan has launched a military operation in Nagorno-Karabakh pic.twitter.com/nqZLiBYDCw
— PressTV Extra (@PresstvExtra) September 19, 2023
Në të njëjtën kohë, vuri në dukje se po godet kundër objektivave legjitime ushtarake dhe jo kundër civilëve apo infrastrukturës civile si pjesë e përpjekjes së tij për të “rivendosur rendin kushtetues të Republikës së Azerbajxhanit”.
Baku sqaroi se ka informuar forcën paqeruajtëse ruse në rajon, e cila po kontrollon nëse respektohet armëpushimi i vitit 2020, si dhe Turqinë.
Armenia, nga ana e saj, thekson se nuk ka personel ushtarak në Nagorno-Karabakh dhe se prioritetet e saj mbeten humanitare.
Më herët, Baku kishte njoftuar se katër policë azerbajxhanë dhe dy civilë ishin vrarë nga një shpërthim në Nagorno-Karabakh dhe kishte akuzuar separatistët e enklavës si përgjegjës për këto veprime “terroriste”./FrontOnline/
