Vetëm disa ditë pasi u emërua trajner i Bayern Munichut, shtypi gjerman raporton se fitimet e  Thomas Tuchel do të jenë të ngjashme me ato që ai merrte te Chelsea dhe PSG.

Të premten, klubi gjerman njoftoi se po ndahej me strategun Julian Nagelsmann, i cili fillimisht ishte nën kontratë deri në vitin 2026.

Kjo erdhi pas një rezultati shumë mesatar të rezultateve në Bundesligë (pesë fitore, dy humbje dhe tre barazime), si dhe për faktin se ata i dhanë rivalëve Dortmund vendin e parë pasi humbën 2-1 nga Leverkusen të dielën e kaluar.

Vetëm një ditë më vonë, ish-trajneri i Chelseat, Thomas Tuchel u emërua si zëvendësuesi i tij, dhe gjermani do të fillojë mbushejn e kontos së tij me shuma të majme parash.

Për sa i përket detajeve të kontratës së tij, mediat gjermane kanë raportuar se ish-trajneri i PSG-së do të fitojë nga 10 deri në 12 milionë euro në vit, që do të thotë se ai do të tejkalojë paraardhësin e tij Nagelsmann.

Kjo shumë do ta shihte atë të fitonte të paktën 20 milionë euro në përgjithësi për shkak të nënshkrimit të një kontrate deri në vitin 2025 me skuadrën gjermane.

Prandaj, hierarkia dhe tifozët në Mynih do të shpresojnë që trajneri do t’ua shpaguajë atyre me trofe këtë shumë të majme. /Telegrafi/