Qendra e Mjekësisë Familjare “Dëshmorët e Lirisë”, në Kaçanik ka njoftuar se sot në këtë komunë janë regjistruar edhe 4 raste të reja me koronavirus, shkruan Gazeta Express.
Bazuar në këtë njoftim aktualisht në Kaçanik janë edhe 80 raste aktive me këtë virus.
“Nga të dhënat zyrtare nga raporti 24 orësh i IKSHPK-së ,Kaçaniku i ka të konfirmuara 4 raste të reja me COVID-19.Rastet e reja janë nga Kaçaniku. Numri i përgjithshëm i të infektuarve me COVID – 19 ,që nga fillimi i pandemisë – 250 në Kaçanik, të shëruar 160 dhe raste aktive 80 !”, thuhet në njoftim.
Në ndërkohë gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.340 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 555 raste pozitive”, ka njoftuar IKSHPK.
Në 24 orët e fundit janë shënuar 14 raste të vdekjes, duke çuar në 1 mijë e 40 numrin e te vdekurve si pasojë e koronavirusit.
“Brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 3 raste (82, 75, 69 vjeç), Prishtinë 2 raste (77, 56 vjeç), Gjilan 2 raste (82, 63 vjeç), Prizren 1 rast (76 vjeç), Gjakovë 1 rast (65 vjeç), Kamenicë 1 rast (70 vjeç), Istog 1 rast (78 vjeç), Suharekë 1 rast (81 vjeç), Mitrovicë 1 rast (84 vjeç) dhe Viti 1 rast (78 vjeç)”, bën të ditur IKSHPK.
Ndërkohë, në 24 orët e fundit janë shëruar 324 persona, duke çuar në 29 mijë e 910 numrin e të shëruarve.
“Numri total i rasteve pozitive është 40.672 raste nga 146.703 persona të dyshimtë në virusin SARS-CoV-2 dhe 1.040 raste të vdekjes. Gjatë 24 orëve të fundit, janë shëruar 324 pacientë derisa numri i përgjithshëm i të shëruarve deri më sot është gjithsej 25.910 raste, kurse numri i rasteve aktive është 13.722”, njofton IKSHPK.
