Një person në Prishtinë është arrestuar si i dyshuar për dhunim.

I njëjti dyshohet se veprën e lartëcekur e ka kryer gjatë shtatorit të vitit të kaluar.

Në një komunikatë për media, bëhet e ditur se i dyshuari ka kryer veprën e dhunimit duke u prezantuar rrejshëm si zyrtar policor.

Postimi i plotë:

Hetuesit nga Njësiti i Hetimeve të Përgjithshme të rajonit të Prishtinës, sot kanë arrestuar një person të dyshuar për veprën penale të dhunimit, të raportuar më datë 10.09.2022.

Puna disa mujore e hetuesve policor ka rezultuar me identifikimin e personit të dyshuar dhe arrestimin e tij.

Mbështetur në rezultatet e hetimit, personi i dyshuar:

– R.S, mashkull 38 vjeç, shtetas i Republikës së Kosovës,

dyshohet se veprën e dhunimit, ndaj ankueses (femër) e ka kryer, duke u prezantuar rrejshëm (si zyrtar policor).

Me vendim të nxjerrë nga ana e prokurorit të shtetit, personi i dyshuar është dërguar në vuajtje të denimit, pasi që ndaj tij kanë qenë 7 urdhëresa aktive nga Gjykata.