Eneda Tarifa do rikthehet në ekran në rolin e moderatores.

Pas një pushimi të gjatë këngëtarja e njohur do të moderojë formatin e suksesshëm “Këngë Moj” në sezonin e ri, raporton InfoMedia Albania.

Burimet i kanë bërë me dije medias në fjalë se produksioni ka arritur të mbyll marrëveshjen një ditë më parë me këngëtaren.

Spektakli “Këngë Moj” , që u transmetuar në Vizion Plus prej dy vitesh, ishte me moderatore Klea Hutën.

Spektakli përcjell këngën e bukur shqiptare, si atë tradicionale, popullore e qytetare, ashtu dhe muzikën e lehtë. Emra si Eli Fara, Aurela Gaçe, Irma Libohova, Artiola Toska, Remzie Osmani, Aleksander Gjoka, Eranda Libohova, Ylli Baka, Bujar Qamili, e deri tek më të rinjtë si Aurel Thëllimi, Marsela Çibukaj, Juliana Pasha, Era Rusi, Ervis Behari etj., kanë qenë pjesë e këtij spektakli.