Modelja amerikane Bella Hadid po kalon një periudhë të vështirë në jetën e saj, ndaj shpeshherë ndan me publikun detaje të pa njohura nga jeta e saj.

25-vjeçarja tashmë ka pranuar se ka vite që vuante marrëdhënie të dhunshme. “Vazhdova të kthehesha te burrat, por edhe te gratë që më abuzuan”, tha ajo në një podcast.

Ajo deklaroi se nuk ka kufizime për sa i përket shëndetit të saj seksual, fizik dhe emocional dhe kjo ka ndikuar përfundimisht në karrierën e saj.

“Gjithçka u reflektua në punën time, fillova t’i kënaq të gjithë rreth meje”, ka pranuar ajo. Bella, e cila kaloi katër vite me yllin kanadez “The Week’nd”, tani po argëtohet me drejtorin kreativ Mark Kalman.

“Gjithmonë kam ndjerë sikur zëri im nuk dëgjohej kurrë. Jam rritur me burra, qoftë në familje apo në marrëdhënie, të cilët më thoshin vazhdimisht se fjala ime ishte më pak i rëndësishme se e tyre”, kujton modelja.

Vetëm më vonë e kuptoi se fakti që nuk arriti të luftonte për veten dhe zërin e saj, reflektonte në të gjitha marrëdhëniet e jetës së saj. “Sistemi im nervor nuk mund ta duronte”, pranoi ajo.

Në fillim të këtij muaji, Bella foli sinqerisht për problemet e saj me alkoolin, duke treguar se nuk kishte kontroll mbi pirjen e saj. “Unë e doja alkoolin dhe arrita në pikën ku fillova të anuloja daljet sepse mendoja se nuk do të mund ta kontrolloja veten”, tha ajo.

Gjithashtu, në një njoftim tronditës ku qan, ajo ka treguar se ka probleme me shëndetin mendor, dhe se vuan nga ankthi dhe depresioni në pjesën më të madhe të jetës së saj./FrontOnline/