Një aksident trafiku ka ndodhur sot në mesditë në rrugën Prishtinë- Gjilan.
Lajmin e ka konfirmuar zëdhënësja e Policisë së rajonit të Prishtinës, Flora Ahmeti.
Ajo tha se në këtë aksident janë përfshirë katër vetura, si pasojë e të cilit janë lënduar katër persona.
“Rreth orës 12:00 kanë pranuar informatën se në rrugën Prishtinë-Gjilan, ka ndodhur një aksident trafiku me lëndime. Në këtë aksident kanë qenë të përfshira katër automjete. Si pasojë e aksidentit lëndime trupore kanë pësuar katër persona. Me rastin po merret njësiti i trafikut”, tha Ahmeti.
