Spitali i Përgjithshëm i Pejës, ka njoftuar se aktualisht në këtë spital janë duke u trajtuar 117 pacientë me Covid-19.

Sipas, njoftimit të spitalit në faqen zyrtare në Facebook, nga 117 pacientë të infektuar, katër janë në respirator, 91 me oksigjenoterapi, ndërsa 17 në gjendje më të rëndë, përcjell FrontOnline.

“Nga Personeli i Spitalit të Përgjithshëm në Pejë aktualisht janë 29 të infektuar me Covid-19 dhe atë 10 Mjek, 12 Infermier dhe 7 punëtor të Shërbimit Administrativ dhe Teknik”, thuhet në njoftim.

Njoftimi i plotë:

7 pacientë janë shëruar gjatë 24 orëve të fundit me Covid-19. 117 pacientë  janë duke u trajtuar aktualisht në Spitalin e Përgjithshëm në Pejë me Covid-19. Sa i përket gjendjes së pacientëve: 4 Pacientë janë në Respirator, 91 pacientë janë në Oksigjeno terapi ndërsa nga këta 17 pacientë janë në gjendje më të rëndë. Nga Personeli i Spitalit të Përgjithshëm në Pejë aktualisht janë 29 të infektuar me Covid-19 dhe atë 10 Mjek, 12 Infermier dhe 7 punëtor të Shërbimit Administrativ dhe Teknik.

Përndryshe gjatë 24 orëve të fundit në Spitalin e Përgjithshëm në Pejë, 198 pacientë kanë marrë trajtim emergjent shëndetësorë, dhe nga këta 19 pacientë janë shtrirë për trajtim të mëtutjeshëm.

6 lindje kanë qenë gjatë 24 orëve të fundit në Spitalin e Përgjithshëm në Pejë, 2 normale dhe 4 me prerje cezariane. Kanë lindur 6 foshnje, 3 të gjithë të gjinisë mashkullore dhe 3 të gjinisë femërore.

266 pacientë kanë kryer analiza, që në total kanë bërë 3,797

analiza, ndërsa janë kryer 6 operacione.

121 shërbime Radiologjike janë kryer gjatë 24 orëve të fundit dhe atë: 94 Rëntgen, 18 EHO dhe 9 CT-ja./FrontOnline/