Haradinaj komenton vendimin e kryesisë së Kuvendit për seancën e 22 gushtit

Kryeministri në dorëheqje Ramush Haradinaj, ka komentuar vendimin e kryesisë së Kuvendit për të mbajtur seancë më 22 gusht për shpërbërjen e Kuvendit.

Haradinaj, ka thënë se ky është një veprim i duhur dhe konform ligjeve dhe Kushtetutës së vendit.

“Ky vendim, do t’i hap rrugë procesit zgjedhor në vend, si opcion i vetëm dhe i domosdoshëm. Po ashtu, është për tu përshëndetur vendimi i kësaj kryesie, që para shpërbërjes, Kuvendi të votojë për Marrëveshjen Ndërkombëtare IPA2, nga e cila Kosova fiton rreth 90 milionë euro fonde nga BE.

Kthimi i mandatit te Sovrani dhe zgjedhjet e lira dhe demokratike, janë jetike për vendin dhe për proceset e rëndësishme që na presin”, ka shkruar Haradinaj në rrjetin social Facebook.

Është koha të shijojmë çokollatën më të mirë..

Sponsoruar