Nuk ka dyshime që dashuria për familjen është një më specialet. Por, ndonjëherë duket sikur ata nuk e njohin fjalën “kufi”, duke marrë çdo situatë apo ngjarje si të mirëqenë dhe harrojnë që njerëzit duhen kuptuar dhe respektuar, pa marrë parasysh lidhjet e gjakut.
Terapistët McMahon dhe Elizabeth Earnshaw japin disa metoda efikase se si të vendosni kufij kur bëhet fjalë për familjarët tuaj:
#1 Vlerësoni emocionet e tyre
Komunikimi dhe vlerësimi i përvojave njerëzore është diçka e vërtetë dhe e vlefshme, madje një strategji efektike për të ndihmuar në përhapjen e emocioneve dhe uljen e “murit mbrojtës” përpara vendosjes së kufijve.
#2 Bëni kërkesa specifike
Në vend që të flisni me përgjithësime, kërkoni diçka specifike që pjesëtari/ja e familjes suaj mund ta bëjë ndryshe. Me kërkesa objektive dhe specifike, të dyja palët janë të qarta.
#3 Ndryshoni zakonet dhe sjelljet
Në këmbim të respektimit, tregojini familjarëve një ndryshim apo rezultat pozitiv nëse e respektojnë kërkesën tuaj. Ndryshimi i zakoneve ose sjelljeve tona mund të jetë i vështirë, por kjo është një përpjekje e pastër e respektimit të kufijve. Për shembull, nëse ju telefoni para gjyshen për t’i treguar orën e saktë kur mbaroni punën që më pas të shkoni te ajo, ju i lehtësoni asaj peshën e ankthit dhe pritjes deri sa të bjerë zilja.
#4 Vendosni kufij aktivë
Ju mund t’i tregoni njerëzve sesa kohë mund të qëndroni në festë para se të mbërrini ose t’u tregoni njerëzve për një temë që nuk dihej përpara se të mblidheni në darkën familjare. Respektimi i kufijve është një formë e një mesazhi që duhet ndjekur dhe respektuar nga të gjithë familjarët.
#5 Kufij të përgjegjshëm
Nga ana tjetër, kufijtë e përgjegjshëm janë kufijtë që vendosim kur njerëzit bëjnë diçka në momentin që shkel një kufi. Këtu mund të përfshihet edhe fakti që nuk doni të flisni për një temë të caktuar apo nuk doni të merrni pjesë në një takim me familjarët etj.
#6 Merrni frymë
Hapësira për veten, për t’u qetësuar mund të ndihmojë në parandalimin e një konflikti të mundshëm apo të diskutuarit në një ambient ku të gjithë janë të qetë.
#7 Mendoni përpara se të flisni dhe faktojeni atë që thoni
Për të shmangur paqartësitë, ju duhet të mendoheni mirë përpara se të flisni, madje edhe të jepni miratimin me kokë për shumë gjëra ose me një ton zëri pak më të lartë.
#8 Mundohuni të mos hapni plagë të vjetra
Nëse gjërat nxehen, është e lehtë të zgjatesh në një grindje të vjetër, ndërkohë që mund të ketë plot probleme dhe situata konfliktuale të momentit.
#9 Shmangni sulmet
Sulmi ndaj personalitetit, prirjeve, vlerave ose dëshirave do t’i bëjë familjarët tuaj të ndihen të nënvlerësuar dhe do ketë shumë pak shanse që ata t’ju dëgjojnë.
#10 Praktikoni vendosjen e kufijve të duhur për ju
Nuk ka gjithmonë një mënyrë të drejtë për të vendosur një kufi, por kur ju i tregoni të tjerëve me fjalë apo veprime se kjo është gjëja e duhur për ju, atëherë e keni dhënë 100% mesazhin tuaj.
