KF Llapi ka njoftuar se ka shkëputur kontratën me qendërmbrojtësin Eglentin Gjoni me një marrëveshje të dyanshme.
Kontrata e Gjonit ishte e vlefshme edhe për pjesën e mbetur të këtij edicioni të Superligës së Kosovës.
“Duke qenë në dijeni se futbollisti gjatë periudhës së qëndrimit tek KF Llapi ishte përballur me lëndimin e gjurit që i pamundësonte rikthimin në fushat e blerta, K.F. Llapi dhe Eglentin Gjoni e panë të arsyeshme dhe më korrekte të përmbyllnin marrëveshjen para kohe.”, thuhet në njoftimin eklubit.
