Izraeli njoftoi sot se personat që thyejnë rregullat e reja, të vendosura për ndalimin e përhapjes së COVID-19, do të përballen me gjoba shumë më të larta në të ardhmen.
“Kushdo që organizon një ngjarje, festë, konferencë, ceremoni, festival, shfaqje argëtuese apo edhe arte skenike në kundërshtim me rregulloret do të përballet me një gjobë deri në 20 000 sikla (5 860 dollarë)”, njoftoi Kabineti i qeverisë për COVID-19.
Rastet e COVID-19 në vend janë zmbrapsur falë një bllokimi të dytë kombëtar, që filloi rreth një muaj e gjysmë më parë.
Sot, Ministria e Shëndetësisë regjistroi 652 raste të reja, krahasuar me mbi 9 000 një muaj më parë.
