Një grua në Kaliforni u kap në video duke sulmuar një veteran të Forcave Ajrore, pasi ky i fundit refuzoi t’i jepte para, njofton sot Departamenti i Policisë Santa Ana.

Një zëdhënës i policisë tha për Fox News sot se burri u tha autoriteteve se ai jeton në një ndërtesë në West First Street për veteranët, pasi kishte shërbyer më parë si ndihmës në Forcën Ajrore të SHBA-së.

Ai tha se fillimisht kishte menduar se gruaja kishte nevojë për ndihmë dhe e la atë në hollin e ndërtesës së tij në mënyrë që ajo të qëndronte ndërsa kërkonte ndihmë.

Por kur gruaja i kërkoi para në mënyrë që të mund të merrte një dhomë hoteli, ai e kundërshtoi dhe i kërkoi të largohej.

Pamjet tronditëse tregojnë incidentin që ndodhi pak pas orës 21:00, më 21 tetor. Videoja tregon se ata filluan grindjen para se gruaja të pështynte 62-vjeçarin. Ai më vonë shihet të hyjë përsëri në ndërtesë, por gruaja e ndjek, pas së cilës nis rrahja.

Policia tha se viktima pësoi prerje dhe mavijosje, por nuk kishte nevojë të shtrohej në spital, ndërkohë që ata po kërkojnë gruan e dyshuar, të cilën ata e përshkruan si të moshës 20 deri 30-vjeç.

https://www.youtube.com/watch?v=6l0qt9L2I6U&feature=emb_title