Më shumë se 300 restorante të zinxhirit të famshëm “Pizza Hut” do të mbyllen përgjithmonë pas falimentimit të një prej ekskluziviteteve më të mëdha të këtij brendi.

Kompania NPC International, e cila është në procedurë falimentimi, arriti një marrëveshje të hënën me pronarët e “Pizza Hut”, kompanisë “Yum”, për mbylljen e një çerekut të restoranteve të saj dhe shitjen e të tjerëve, raportoi CNN.

Dështimi i biznesit i NPC International i atribuohet futjes së masave të urgjencës për shkak të virusit të koronës dhe borxheve prej pothuajse një miliard dollarë.

NPC International ka një total prej 1,227 vendesh ku operojnë restorantet Pizza Hut, që është afërsisht 18 për qind e gjithsej 6.700 restoranteve Pizza Hut në Shtetet e Bashkuara, dhe gjithashtu drejton 6.500 restorante të shpejtë të Wendy.