Pasiguria dhe stresi i shkaktuar nga pandemia Covid-19 mund të sjellë tendosje të madhe në mesin e punonjësve Për shkak që ata mund të përjetojnë ankth, depresion dhe frikë, cilësia dhe sasia e punës mund të bjerë. Prandaj, në kohëra të tilla është e domosdoshme që menaxherët të dinë se si t’i menaxhojnë ato. Ata duhet të bëjnë shumë herë më shumë se sa kanë bërë para pandemisë.

Më poshtë disa këshilla që mund t’ju ndihmojnë në këtë drejtim.

Krijoni një kornizë mbështetëse

Gjëja e parë që një menaxher efektiv duhet të bëjë gjatë pandemisë është krijimi i një kornize të fortë mbështetëse. Kjo kornizë ndërtohet nga: besimi, lidhja e fuqishme, mbulesa, kompetenca dhe qetësia. Përdorni këto elemente për të kuptuar se çfarë i duhet ekipit tuaj për të vazhduar punën me kompetencë, në mënyrë efektive, për t’u ndjerë të sigurtë, për t’u kujdesur për ta dhe për të qëndruar i lidhur me organizatën. Koordinohuni me menaxherët të tjerë në mënyrat më të mira për t’u siguruar punonjësve mbështetjen maksimale që ju duhet!

Ofroni burime të shëndetit dhe sigurisë

Mund të jetë e dobishme të siguroni burime për punonjësit, në rast se ata nuk dinë se ku mund t’i gjejnë, nëse nuk ndihen mirë. Ofroni këshilla për të qëndruar të shëndetshëm dhe për ta ulur stresin! Jepni informacion për shërbime të shëndetit mendor, për personat që përjetojnë shqetësime të mëdha në lidhje me pandeminë! Në një nivel organizativ, sigurohuni që t’i informoni punonjësit për çdo risi në lidhje me pandeminë, në çfarëdo fushe! E po ashtu, ua mundësoni edhe punën në distance, kur është e nevojshme!

Jepni ndihmë shtesë

Bazuar në kornizën tuaj të mbështetjes dhe burimet e shëndetit dhe sigurisë në dispozicion, vlerësoni se çfarë ndihme shtesë mund të jetë e nevojshme nga punonjësit. Pandemia prek njerëzit në shumë mënyra, kështu që çdo situatë do të jetë unike. Është e rëndësishme të keni një plan të detajuar për t’u përshtatur me secilën situatë dhe me secilin individ në punë. Përpiquni të ofroni ndihmë si: pushim shtesë apo fleksibilitet për punonjësit që kujdesen për fëmijët! Apo për personat të tjerë të pambrojtur, ose për ata që ju vdes dikush në familje. Ju gjithashtu, duhet patjetër të jepni pushim mjekësor me pagesë, në rast se njëri nga punonjësit i është ekspozuar Covid-19 dhe ka nevojë për trajtim.

Jini të qëllimshëm dhe proaktiv në menaxhimin në distancë

Me shumë punonjës që punojnë në distancë, është sfduese rregullimi i menaxhimit dhe i përshtatjes. Në një mjedis virtual është e lehtë që njerëzit të ndihen të shkëputur. Por është thelbësorë që të përqendroheni në produktivitetin dhe paraqitjen e punonjësve duke përdoruar të gjitha mjetet për t’i nxitur ata. Kjo do të thotë, që do t’ju duhet më shumë energji, që t’i menaxhoni ata më mirë, si dhe t’i bëni ata ta njohin dhe menaxhojnë më mirë vetën e tyre, kur përballen me një situatë të pazakonshme. Nëse ju si menaxher arrini t’i menaxhoni ato mirë, kjo nuk do të thotë që të gjithë njerëzit janë të njëjtë.

Mbaj lidhjet e punës

Kur punonjësit punojnë virtualisht ose janë në distancë, ata do ta kenë të vështirë t’i mbajnë marrëdhëniet e punës. Ju mund të vendosni “pushime kafeje” virtualisht, për punonjësit që të shoqërohen pa u ndier nën presion të diskutojnë vetëm për punën. Ju gjithashtu mund të organizoni aktivitete të komunitetit virtual të tilla si lojëra të vogla, enigma ose klube leximi për të zëvendësuar ngjarjet e kompanisë duke qenë prezent. Mbajini oraret e zyrës siç kanë qenë gjithmonë! Sigurohuni që punonjësit të kenë mundësi të takohen virtualisht me anëtarët e tjerë të ekipit për të diskutuar punën e projektit, në vend që të komunikojnë vetëm me email!

Praktikoni vetë-kujdesin

Si udhëheqës, ju jeni jetikë për mirëqenien dhe kohezionin e organizatës suaj, prandaj është e rëndësishme që të kujdeseni për veten. Nëse e neglizhoni veten në mënyrë që të përqendroheni në të qenit një menaxher i mirë, atëherë do të jeni ai që përjetoni paaftësi për ta menaxhuar vetën në radhë të parë, pastaj të gjithë stafin. Për më tepër, praktikimi i vetë-kujdesit mund t’ju ndihmojë të jeni një model i mirë për ekipin tuaj. /Akademi Pune