×
  • Lajme
  • Lajme

    Zyrtari i PDK-së thirrje AAK-së e NISMA-s: Ejani të bashkohemi në një parti

    FrontOnline
    25 Korrik 2020

    Thirrjeve të Fatmir Limajt dhe Ramush Haradinajt drejtuar PDK’së që të hyjë në Qeveri i janë përgjigjur zyrtarë të Partisë së Kadri Veselit. Arben Gecaj po e thërret Ramush Haradinajn e Fatmir Limajn të bëhen bashkë në një subjekt politik,

    Ramush Haradinaj dhe Fatmir Limaj kanë marrë një ofertë publike nga PDK’ja si përgjigje ndaj kërkesave që Partia e Kadri Veselit të hyjë në Qeverinë e Avdullah Hotit.

    Arben Gecaj, zyrtar i PDK’së, ka thënë se zgjidhje më e mirë është bashkimi i AAK’së, NISMA’s dhe PDK’së në një subjekt të vetëm.

    “AAK e Nisma, sa shpenzojne energji e mund per ta bind PDK- ne me hy ne qeveri, me mire eshte t‘i bashkohen PDK- se si nje subjekt i vetëm”, ka shkruar Gecaj, në një përgjigje në Fb.

    Fatmir Limaj një natë më parë tha se e ka takuar Kadri Veselin dhe Isa Mustafën për të shqyrtuar mundësinë e përfshirjes së PDK’së në Qeveri.

    Ramush Haradinaj ka thënë se pashmangshëm se PDK do të bëhet pjesë e Qeverisë pasi s’ka shumë alternativa tjera.

    PDK ndodhet aktualisht në opozitë dhe është partia e tretë në nivel Kosove.

    Arben Gecaj ka shpalosur edhe strategjinë se si duhet të veprojnë së bashku tri partitë e themeluara nga ish-udhëheqësit kryesorë të UÇK’së. Ka thënë se duhet të synojnë udhëheqjen e komunave të mëdha përfshirë Kryeqytetin.

    “Tri partite me baze te forte ne komuna te vogla e me deputet kryesisht nga periferia, ne te ardhmen duhet te punojne ne etablim ne komuna te medha, e gjithesesi ne Prishtine. Krejt kjo, sepse LDK e VV deget ne Prishtine e Kryesi Qendrore i kane edhe pari te partisë”, ka shtuar ai.

    Gecaj e ka shpjeguar edhe më tutje se pse partitë e dala nga UÇK’ja duhet të udhëheqin Prishtinën.

    “Prishtina e ka dasht UCK- ne, e disa komandant me pak ate, pasojat i shohim sot. S‘ke parti nese nuk e ke ne kryeqytet. Eshte rregull ky, nese deshiron me udheheq vendin, e jo provincën”, ka shtuar ai.

    PDK është themeluar menjëherë pas përfundimit të luftës. Deri më 2016 kjo Parti është udhëhequr prej Hashim Thaçit ndërsa aktualisht e drejton Kadri Veseli.

    AAK është themeluar më 2002, kur Ramush Haradinaj grumbulloi afër vetes disa parti të vogla, të cilat pastaj u zhdukën nën ombrellën e Aleancës.

    Fatmir Limaj, ndërkaq, themeloi NISMA’n për Kosovën pasi prishi raportet me Hashim Thaçin dhe Kadri Veselin.

    NISMA e Limajt ka shënuar rezultate të këqija në zgjedhjet e fundit, me ç’rast mezi kaloi pragun duke qenë bashkë edhe me miliarderin Behgjet Pacolli.

    NISMA dhe AAK ndodhen aktualisht në Qeverinë e drejtuar nga LDK’ja derisa po presin që të ketë zgjerim të koalicionit nëse do të ketë zhvillime të reja nga Haga ku është duke u shqyrtuar një aktakuzë ndaj Thaçit e Veselit për krime luftë. Është përmendur se nëse konfirmohen aktakuza do të hyjë PDK në Qeveri dhe do të bëhet edhe një marrëveshje për Presidentin e ri.

    Artani: Stresi e Andi u gëzuan për ndarjen e Julit, s’duhet t’iu gëzohesh fatkeqësive të të tjerëve (VIDEO)
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.