[wp-story]

Lajme

Zyrtari i PDK-së: S’kemi asnjë kandidatë për deputetë që ka problem me ligjin

Zyrtari i PDK-së: S’kemi asnjë kandidatë për deputetë që ka problem me ligjin
08:07 | 07 Shtator 2019

Ish-ministri i Kulturës, Kujtim Gashi ka thënë se në listën e PDK-së nuk do të ketë listë të kandidatëve për deputetë që kanë probleme me ligjin.

Ai shtoi se janë 110 kandidatë të cilët do të garojnë për deputetë në listën e Partisë Demokratike të Kosovës.

“Listës i prin kryetari Kadri Veseli, deri sa ka shtuar se pjesë e saj do të jenë edhe shumë emra të rinj. Një numër i madh i qytetarëve të Kosovës i janë bashkuar PDK-së dhe besoj që pjesë e listës do të jenë edhe prurjet e reja nga arti, sporti, diaspora e biznesi. Nga 110 kandidatët për deputetë asnjëri nga ta nuk ka probleme me ligjin”, ka thënë ai.

Sipas tij PDK-ja është subjekti i parë që ka filluar të luftojë me korrupsionin.

Ai tutje ka konfirmuar se është pjesë e listës së kandidatëve për deputetë duke shtuar se pjesë e kësaj liste nuk do të jetë edhe Flora Brovina.

Gashi tutje ka shtuar se pjesa dërmuese e deputetëve që kanë qenë në legjislaturën e kaluar, janë edhe tash.

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera