Bota/Rajoni

Zyrtari i OBSH’së: E mbivlerësuam aftësinë e vendeve të pasura për të luftuar virusin

Zyrtari i OBSH’së: E mbivlerësuam aftësinë e vendeve të pasura për të luftuar virusin
22:48 | 30 Korrik 2020

Sistemet shëndetësore të vendeve të pasura performuan më dobët nga sa pritej gjatë fazës së hershme të krizës së COVID-19, tha sot kreu për Operacionet e Urgjencës i OBSH-së, Mike Ryan.

“Ishte e habitshme të shihje se sa ngadalë i miratuan vendet strategjitë e nevojshme shëndetësore”, tha ai në një konferencë për shtyp.

“Nëse do të mund të kthehesha sërish dhe të ndryshoja ndonjë gjë, mendoj se do të ofroja ndihmë të drejtpërdrejtë për vendet ku unë mendoj se kemi bërë disa supozime për kapacitete, aftësi dhe forca pune ekzistuese, të cilat, ndoshta, duhej të ekzistonin ose duhej të ishin zgjeruar”, shtoi Ryan.

Ndërsa numri i rasteve në të gjithë botën po i afrohet 17 milionë të infektuarve, lista e 20 vendeve me më shumë infektime kryesohet nga SHBA-ja dhe përfshin Britaninë e Madhe, Spanjën, Italinë, Francën dhe Gjermaninë.

Tradicionalisht, OBSH-ja ofron ndihmë operacionale në vendet në zhvillim dhe vendet me të ardhura të mesme.

Black Friday –  Eja dhe ndaj emocionet e zbritjes ekstreme në Comodita Home

Të tjera