Faza “play-off” e Ligës së Konferencës do të sjellë duelin më interesant kësaj radhe – atë mes shqiptarëve, raporton FrontOnline.
Në këtë fazë, Shkupi dhe Ballkani janë kundërshtarë për një vend në fazën e grupeve.
Kjo ndeshje do të zhvillohet të enjten e 18 gushtit nga ora 21:00 në stadiumin “Todor Proeski” në Shkup.
Kurse, pas një jave, ndeshja e kthimit do të luhet në stadiumin “Fadil Vokrri” në Prishtinë.
UEFA tashmë ka deleguar edhe gjyqtarët për këtë ndeshje.
Ivar Orri Kristjansson nga Islanda do ta ndajë drejtësinë në këtë takim, teksa Birkir Sigurdarson dhe Johann Gudmundsson do të jenë ndihmësit e tij.
Ndërkaq, Thorvaldur Arnason do të jetë gjyqtar i katërt./FrontOnline/