Rahoveci e ka bërë një goditje të madhe në basketbollin e Kosovës.
“Vreshtarët” kanë njoftuar se kanë arritur marrëveshje me ish-basketbollistin e Bashkimit, Musab Malën, raporton FrontOnline.
Mala ka nënshkruar kontratë që e mban atë në palestrën “Mizair Isma” për edicionin 2021/2022.
Klubi elitar kosovar i është gëzuar këtij transferimi, derisa e kanë vlerësuar lartë Malën.
“Ishte një nga më të mirët në elitë edicionin e kaluar. Musab Mala është i vendosur që karrierën e tij ta dërgojë në një nivel tjetër. Kënaqësi e jona që në sezonin 2021/2022 të kemi basketbollist të kalibrit të tillë. Bashkë me të e të tjerët, skuadra synon objektivat maksimale”, thuhet në njoftimin e klubit./FrontOnline/