Klubi i promovuar së fundmi në elitën e futbollit italian, Salernitana e ka shkarkuar trajnerin, Fabrizio Castorin.
Njoftimin e ka dhënë vetë klubi italian përmes një komunikate të lëshuar.
Arsyeja e shkarkimit të Castorit ishin rezultatet negative në tetë ndeshjet e para, nga të cilat skuadra mori vetëm një fitore.
Salernitana ndodhet në vendin e fundit me katër pikë gjithsej në renditjen tabelore.
Salernitana po luan në elitën e futbollit italian për herën e parë në më shumë se 20 vjet.
Castori është vetëm trajneri i tretë në Serie A që shkarkohet këtë edicion, ngase para tij nga detyra u lirua Di Francesco nga Hellas Verona dhe Semplici nga Cagliari.