[wp-story]

Lajme

Zgjedhja e presidentit të ri apo zgjedhje të parakohshme – Hoti do të takojë partitë politike

Zgjedhja e presidentit të ri apo zgjedhje të parakohshme – Hoti do të takojë partitë politike
19:32 | 13 Nëntor 2020

Partitë politike në vend, sipas kryeministrit Avdullah Hoti, kanë dy zgjidhje përpara, pas situatës së krijuar nga konfirmimi i aktakuzave nga Specialja.

Kreu i Qeverisë ka bërë të ditur se brenda pak javësh do të ulen për të parë se cili është qëndrimi i subjekteve politike për zgjedhjen e presidentit apo shkuarjen në zgjedhje të parakohshme.

“Ende nuk kemi filluar konsultimet e brendshme me partitë politike për të parë se cili është disponimi. Kemi dëgjuar disponime të partive të ndryshme karshi kësaj teme, por besoj që së shpejti për disa ditë, për disa javë, do të ulemi të gjitha partitë politike parlamentare dhe duhet të flasim si njerëz të civilizuar, si parti politike të përgjegjshme për të gjetur zgjidhje për qytetarët”, tha Hoti, raporton KOHA.

Por, kryeministri Hoti, nuk ka pranuar t’i komentojë deklaratat e partnerit të saj qeverisës, Listës Serbe, lidhur me reagimet e institucioneve të Kosovës karshi presidentit të Serbisë, Aleksandër Vuçiq.

Vuçiqi të enjten, duke iu referuar çështjes së Kosovës, ka përmendur se si konfliktet e ngrira mund të mund të kthehen në përleshje të armatosura. Përveç histerike, Lista Serbe, reagimet e Kosovës ndaj kësaj deklarate i ka quajtur edhe skizofrenike.

“Nuk i komentoj deklaratat që i lëshojnë partitë politike. Unë përfaqësoj Qeverinë e Kosovës dhe qëndrimi që mbaj unë është qëndrim zyrtar i Qeverisë së Republikës së Kosovës. Kush do që bije në kundërshtim e që nuk i pëlqen ky qëndrim le të marrin veprimet e tyre”.

Të premten, nga deklarata e tij për konfliktin e mundshëm në Kosovë është tërhequr edhe vetë presidenti Aleksandar Vuçiq. Sipas tij, për Serbinë është e rëndësishme ruajtja e politikës së paqes.

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera