Lajme

Zemaj tregon cilave shtete iu është vendosur reciprocitet për testet e COVID-19

Zemaj tregon cilave shtete iu është vendosur reciprocitet për testet e COVID-19
19:10 | 29 Korrik 2020

Qeveria e Kosovës së fundi vendosi masa të reja anti-COVID.Ministri i Shëndetësisë, Armend Zemaj ka sqaruar tani se testi RT-PCR për COVID-19 nuk u kërkohet qytetarëve që vijnë nga Republika e Shqipërisë dhe ajo e Serbisë.

Ndër të tjerash Zemaj theksoi se ky test u kërkohet vetëm qytetarëve që vijnë nga shtete të cilat kërkojnë nga qytetarët e Kosovës që të kenë testin për të hyrë në territorin e tyre, si shembull Maqedonia e Veriut dhe Mali i Zi.

Shkrimi i plotë i Zemajt lidhur me masat e fundit:Me masat e reja të Qeverisë së Kosovës:– Testi për COVID-19 (RT-PCR) u kërkohet vetëm qytetarëve që vijnë nga shtetet të cilat kërkojnë nga qytetarët e Kosovës që të kenë testin RT-PCR, për të hyrë në territorin e tyre.

Bazuar mbi këtë parim të reciprocitetit, qytetarëve të Maqedonisë së Veriut dhe atyre të Malit të Zi, u kërkohet testi RT-PCR, për të hyrë në territorin e Republikës së Kosovës.– Testi RT-PCR nuk u kërkohet qytetarëve që vijnë nga Republika e Shqipërisë dhe ajo e Serbisë.Gjithashtu me këto masa:
– Ndalohen të gjitha tubimet publike, duke përfshirë ahengjet private familjare.– Ndalohet pjesëmarrja fizike e qytetarëve në ceremonitë dhe veprimtaritë fetare.– Ndalohet veprimtaria e tregjeve publike të automjeteve dhe të kafshëve.– Ndalohen veprimtaritë rekreative, kulturore dhe sportive në mjedise të mbyllura dhe të hapura (Lejohen vetëm fitneset, pishinat e mbyllura dhe sportet individuale në përputhje me Manualin për mbrojtjen nga përhapja e COVID-19).– Të gjitha subjektet që ofrojnë shërbime të gastronomisë (restorantet, kafeteritë, klubet e natës etj). U ndalohet funksionimi nga ora 22:30 deri në 05:00 në gjithë territorin e Republikës së Kosovës.– Të gjitha subjektet që ofrojnë transport publik (autobusë, kombi, taksi) të punojnë me përgjysmim të kapaciteteve të tyre– Ushtrimi i veprimtarisë së çerdheve publike dhe private në tërë territorin e Republikës së Kosovës lejohet pas vlerësimit dhe mbikëqyrjes nga autoritetet komunale, në përputhje me Manualin për mbrojtjen nga përhapja e COVID-19.– Qytetarët mbi moshën 65 vjeç dhe ata me sëmundje kronike mund të dalin jashtë në mjedise publike vetëm prej orës 05:00-10:00 dhe prej 18:00-21:00.– Obligohen organet kompetente të ushtrojnë kontroll rigoroz, me qëllim të zbatimit të masave (inspektoratet përkatëse dhe organet e rendit).

Prince Caffe pjesëmarrës në panairin DUBAI EXPO 2021

Të tjera