Zemaj për vdekjen e 20-vjeçares nga Ferizaj: Jemi të tronditur të gjithë

Ministri në detyrë i Shëndetësisë Armend Zemaj, ka shprehur ngushëllime për vdekjen e 20 vjeçares e cila po trajtohej në një spital në Turqi pas lëndimeve të marra gjatë shpërthimit në njërin nga restorantet e Ferizajt.

Zemaj, përmes një postimi në profilin e tij në rrjetin social Facebook, ka shkruar se lajmin për vdekjen e saj i ka tronditur të gjithë.

Postimi i tij i plotë:

“E nderuara Familje Haxhidema,

Lajmi se Fatimja, ka ndërruar jetë, na tronditi të gjithëve pa masë. Në këtë ditë të trishtueshme për juve, familjen dhe më të dashurit e Fatimes dhe të gjithë neve, ju shprehim ngushëllimet më të sinqerta, duke iu bashkuar dhimbjes Tuaj.

Përkundër shpresave dhe pritjeve tona, ajo sot u nda fizikisht nga ne, duke lënë pikëllim pas vetes, për moshën e re dhe ëndrrat e saj rinore të këputura padrejtësisht.

Në këto orë të dhimbjes së madhe, jemi me juve dhe dhimbjen tuaj familje e nderuar Haxhidema, duke lutur Zotin për shpirtin e saj dhe të gjeni forcë për ta tejkaluar këtë situatë tepër të rëndë.

Mbahuni të fortë. Ngushëllime të sinqerta!”, ka shkruar Zemaj në Facebook./FrontOnline/

Kush ështe kosovari THE VICTOR që synon tregun e jashtëm? (video)

Sponsoruar