Lajme

Zemaj nënshkroi Udhëzimin Administrativ që mundëson kryerjen e testeve serologjike edhe në Kujdesin Parësor Shëndetësor

Zemaj nënshkroi Udhëzimin Administrativ që mundëson kryerjen e testeve serologjike edhe në Kujdesin Parësor Shëndetësor
16:21 | 18 Gusht 2020

Ministri i Shëndetësisë, Armend Zemaj ka nënshkruar sot Udhëzimi Administrativ (në shëndetësi) nr. 03/2020- Për plotësimin dhe ndryshimin e udhëzimit administrativ 08/2017– Organizimi, struktura, përcaktimi i shërbimeve dhe veprimtarisë së Institucioneve të Kujdesit Parësor Shëndetësor.

Në njoftimin e bërë për media thuhet se ky udhëzim administrativ ka për qëllim plotësimin dhe ndryshimin e Udhëzimit Administrativ 08/2017 – Organizimi, struktura, përcaktimi i shërbimeve dhe veprimtarisë së Institucioneve të Kujdesit Parësor Shëndetësor me qëllim të ofrimit të testimit për SARS –CoV – 2 .

“Me plotësimin e Udhëzimit Administrativ paraprak, Kujdesi Shëndetësor Parësor në komuna do të ketë mundësi të kryeje testime serologjike, duke raportuar për to në baza ditore në
Institutin Kombëtar të Shëndetit Publik të Kosovës.

Raporti i ekzaminimit laboratorik, përveç të dhënave të përgjithshme, duhet të përmbaj informatë për llojin e testit të kryer, prodhuesin e testit, instrumentin/aparatin me te cilin është kryer testi, si dhe komentimin profesional të rezultatit nga specialisti”, thuhet në njoftim.

Më tej, në komunikatë thuhet se me këtë udhëzim, testet serologjike do të kryhen nga laboratorët e biokimisë në Kujdesin Parësor Shëndetësor.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera