Ministri i Shëndetësisë, Armend Zemaj, në një konferencë që po mbanë për media, foli për lehtësimin e masave për virusin Covid-19, raporton Front Online.

Megjithatë, ai bëri thirrje që qytetarët të zbatojnë masat mbrojtëse, duke mbajtur maska, duke mbajtur distancën e higjienën.

Sipas tij, mbajtja e maskave do të vazhdojë të jetë obligative.

“Nëse je vetëm në veturë nuk ke nevojë ta bartësh maskën. Çdo person i dytë pavarësisht kush është me ju, duhet ta keni maskën”, tha Zemaj.

Ai ka paralajmëruar se nëse nuk respektohen këto masa, do të ketë dënime.

Përndryshe, i pari i Shëndetësisë e ka quajtur lajm të mirë ardhjen e ekipit të ekspertëve nga Gjermania, për të cilët tha se po punojnë bashkë.