Ministri i Shëndetësisë, Armend Zemaj, gjatë raportimit para Komisionit për Shëndetësi dhe Mirëqenie Sociale lidhur me menaxhimin e pandemisë COVID-19, ka thënë se nuk i është dorëzuar asnjë dokument gjatë pranim-dorëzimit të detyrës.
Para komisionit, ai tha se nuk po e gjen as dosjen e sigurimeve shëndetësore.
“Asnjë dokument legal, asnjë dokument nuk më është dorëzuar mua si ministër i shëndetësisë në pranim-dorëzimin e detyrës. As plan menaxherial, as komunikime që po i adresoni IKSHP’së, as për shtimin e kapaciteteve. Gjithçka që e shihni prej datës 5 është punë e ministrit. Nuk po e gjej as dosjen e sigurimeve shëndetësore”, ka thënë Zemaj.
