Ukraina nuk do t’i falë kurrë ushtarët rusë përgjegjës për krimet në Bucha, tha Volodymyr Zelensky gjatë përkujtimit të përvjetorit të rimarrjes së qytetit pas 33 ditësh okupim. Pas tërheqjes së forcave ruse, trupat e civilëve u zbuluan në rrugët e Buçës dhe ai qytet u bë sinonim i brutalitetit rus.
Autoritetet ukrainase vlerësojnë se 1,137 civilë u vranë në zonat e çliruara të rajonit të Kievit, nga të cilët 461 ishin në Bucha. Mes viktimave ishin 37 fëmijë. Hetuesit ndërkombëtarë po mbledhin prova për masakrën në atë qytet. Reuters shkruan se sot Buça është plot jetë; familjet e reja shëtisin nëpër rrugët qendrore dhe tingujt e punimeve të ndërtimit dëgjohen gjithandej.
Por plagët nga lufta janë ende të dukshme nëpër qytet, si ndërtesat e shkatërruara dhe deponitë e mbushura me makina të shkatërruara dhe automjete ushtarake. Gardhet përgjatë rrugës Jablunska, ku u vranë dhjetëra civilë, ende kanë vrima plumbash. Rusia mohon se forcat e saj kanë kryer krime lufte në Buça./FrontOnline/
