Çdo negociatë me Moskën pas mbajtjes së referendumeve, tani është e pamundur, sipas një deklaratë të presidentit Volodymyr Zelensky në Këshillin e tij të Sigurimit të OKB-së.

“Njohja e Rusisë e referendumeve të rreme, zbatimi i skenarit të Krimesë, përpjekja e fundit për të aneksuar një pjesë të territorit ukrainas do të thotë se ne nuk mund të diskutojmë me presidentin aktual rus Vladimir Putin,” tha Zelensky.

Ai foli përpara se të shpalleshin rezultatet paraprake në referendumet në Kherson, Zaporizhia dhe Luhansk, në të cilën forcat ruse fituan me një diferencë të madhe, sipas rezultateve të shpallura nga autoritetet pro-ruse.

Më vonë, fitorja u njoftua edhe nga autoritetet e Donetskut. Në fjalimin e tij në OKB, presidenti ukrainas denoncoi referendumet, sipas tij janë një “farsë” me rezultate të përcaktuara “paraprakisht”.

Ai e quajti “aneksimin e territoreve” të Ukrainës nga Rusia “shkelja më barbare e Kartës së Organizatës së Kombeve të Bashkuara”. Sipas Zelensky-t, Rusia duhet të “përjashtohet nga të gjitha organizatat ndërkombëtare” për shkak të veprimeve të saj, ose të paktën të pezullohet prej tyre.

“Kërcënimet për përdorimin e armëve bërthamore janë bërë të vazhdueshme”, shtoi ai, ndërsa Kremlini kujtoi të martën se doktrina ushtarake ruse parashikon përdorimin e armëve të tilla në rast të një sulmi në tokën ruse./FrontOnline/