[wp-story]

Ekonomi

Zeka: E paarsyeshme vonesa e implementimit të Pakos Emergjente Fiskale

Zeka: E paarsyeshme vonesa e implementimit të Pakos Emergjente Fiskale
10:20 | 14 Gusht 2020

Drejtori i Odës Ekonomike Amerikane në Kosovë, në një intervistë për Front Online ka folur edhe për vonesën e implementimit të Pakos Emergjente Fiskale.

“Sa për rikujtim OEAK dhe asociacionet e tjera të biznesit që nga fillimi kur është aprovuar Pakoja Emergjente Fiskale kanë shprehur shqetësimin e tyre për sa i përket shumës së përkrahjes. Po flas për kompensimin për paga edhe për punonjësit aktual por edhe kompensimi për ata që nuk e kanë pasur një vend pune ose që e kanë humbur një vend pune si pasojë e pandemisë”, ka thënë ai.

Sipas tij, përveç shumës, e paarsyeshme ka qenë edhe vonesa e implementimit të kësaj Pakoje.

“Ta lëmë shumën relativisht të vogël që nuk ndihmon as në rritjen e kërkesës agregate, problemi kryesor këtu ka qenë vonesa në zbatimin e këtyre masave dhe në disbursimin e këtyre mjeteve. E kuptojmë që nuk kanë mundur që të bëhen pa rishikimin buxhetor, por në anën tjetër është për çdo kritik është edhe vonesa për shqyrtimin e rishikimit buxhetor nga ana e deputetëve, politizimi i skajshëm që është bërë me këtë aspekt, duke e ditur që një pjesë e madhe e ndërmarrjeve presin edhe disbursimin e këtyre mjeteve dhe një përkrahje goxha modeste nga ana e shtetit për ta”, ka thënë ai.

 

Zeka: Pandemia ka goditur fuqishëm ekonominë, të implementohet Pakoja për Rimëkëmbje

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera