Zëdhënësi i Qeverisë së Kosovës, Përparim Kryeziu ka reaguar pas publikimit të lajmit, ku shihej Kryeministri Albin Kurti që kishte nënshkruar një vendim, në të cilin ishte i vendosur emri i ish-kryeministrit, Avdullah Hoti.
Ai u shpreh se ky vendim menjëherë është përmirësuar kjo shkresë dhe është protokolluar por që akuzoi administratën e Qeverisë që po punon kundër tyre dhe nuk po i shërben kryeministrit.
Shkrimi i plotë në FB:
Që nga fillimi kryeministri Kurti dhe kabineti i tij sfidohen nga individë ende të panjohuar nga adminsitrata e Zyrës së Kryeministrit. Vendimet dhe emërimet e nënshkruara nga ai, shpesh, vazhdimisht dhe në mënyrë të organizuar rrjedhin në media para se të ndahen me zyrtarë të brendshëm, dhe madje përgatiten shkresa me gabime teknike. Kapësit politikë të shtetit i kemi larguar me 14 shkurt dhe 22 mars, por sigurisht se ka shumë të tillë nëpër zyrat e shtetit.
Në lidhje me vendimin nga mbledhja e fundit, ai është përmirësuar menjëherë. Dokumenti i përmirësuar është protokolluar, por megjithatë shkresa e vjetër, para se të asgjësohet, është publikuar nga adminstrata. Administrata duhet t’i shërbejë kryeminsitrit të shtetit, jo ta luftojë atë.