Zëdhënësi i Komisionit Evropian, Christian Wiegand, konfirmoi sot se Komisioni Evropian ka miratuar një propozim me të cilin të gjithë banorët e Ballkanit Perëndimor, përfshirë banorët e Kosovës me pasaportë serbe, do të mbulohen nga regjimi pa viza kur udhëtojnë në Bashkimin Europian, transmeton FrontOnline.

“Propozimi për korrigjimin e regjimit të vizave të BE-së do t’u mundësojë banorëve të Kosovës që kanë një pasaportë serbe të lëshuar nga Administrata Koordinuese të udhëtojnë në BE pa vizë,” tha Wiegand në një konferencë për shtyp dhe shpjegoi se hapi tjetër është të diskutohet propozimin dhe ta miratojnë Parlamenti dhe Këshilli./FrontOnline/