Atletico Madrid ka triumfuar me rezultat 3-1 në derbin e qytetit të Madridit ndaj rivalit lokal Realit.

Ka qenë një ndeshje spektakolare, ku nuk kanë munguar edhe rivaliteti i madh në fushë dhe ndërhyrjet e ashpra nga futbollistët e të dyja skuadrave.

Padyshim që një nga ndërhyrjet më të ashpra ishte ajo në fund e Jude Bellingham në Angel Correan, por që anglezi shpëtoi vetëm me karton të verdhë nga gjyqtari kryesor.

Mediat në Spanjë kanë zbuluar edhe debatin që kishte Bellingham me Cesar Azpilicuetan pas asaj ndërhyrje me anglezin që u ankua për mosrespektim të ‘Fair-Play’ nga vendasit.

“Fair-Play? Lej këto tani, keni futur katër herë dy ose më shumë topa në fushë për të vonuar lojën”, iu drejtua Bellingham mbrojtësit vendas.

Pas përgjigjes së anglezit, Azpilicueta u tërhoq pasi fjalët e Bellingham ishin me vend, pasi shumë vendasit kanë futur disa herë topa të tjerë në fushë për të humbur sa më shumë kohë. /Telegrafi/