Përfaqësuesja e Kosovës i ka nisur me humbje ndeshjet e muajit shtator, raporton FrontOnline.
“Dardanët” ishin sonte mysafirë të Irlandës së Veriut në kuadër të Ligës së Kombeve, grupi 2, Liga C.
Ndeshja e zhvilluar në “Wisdor Park” u mbyll baras 2:1 në favor të vendasve.
Donat Rrudhani ndjen keqardhje për rastet e shumta të pastra që humbi Kosova në disfatën 2:1 ndaj Irlandës së Veriut në Nations League.
Anësori i majtë i Young Boys, komentoi për SuperSport ndeshjen e Kosovës, që edhe pse kaloi në avantazh falë golit të bukur të Vedat Muriqit, në fund doli pa pikë.
“Kështu është futbolli, kishim shumë shanse, kaluam në avantazh. Kishim edhe shans tjetër para golit të tyre dhe një tjetër super shans përpara golit të dytë të Irlandës së Veriut, por ky është futbolli”, tha ai.
“Nuk ishte problem përqendrimi, por Irlanda ishte më shumë ofensivë në pjesën e dytë. Ata sulmuan më shumë në pjesën e dytë dhe nuk i mbuluam problemet pas golit të parë të tyre”, shtoi Rrudhani./FrontOnline/