×
  • Lajme
  • Lajme

    Xhelal Sveçla: Hashim Thaçi dhe Kadri Veseli kanë për shumëçka për t`u dënuar në Kosovë, e jo në Gjykatën Speciale

    FrontOnline
    13 Nëntor 2020

    “Është jashtëzakonisht e rëndësishme që fatet individuale të ndahen nga koncepti i përgjithshëm. Fare nuk është me rëndësi fati i një individi apo edhe sjellja e tij në rrethana dhe kohë të caktuar. E rëndësishme është që UÇK ishte më tepër koncept, normalisht edhe forcë, por koncept i përqafuar nga të gjithë shqiptarët në Kosovë, i përkrahur nga të gjithë aleatët tanë dhe ishte mjeti me të cilin ne arritëm, edhe përmes përkrahjes së miqve tanë që ne ta çlirojmë Kosovën. Lufta e UÇK-së ishte e drejtë dhe ishte e pastër”, ka deklaruar Xhelal Sveçla në emisionin “Pa maskë.

    Ai i ka hedhur poshtë akuzat se Lëvizja Vetëvendosje është gëzuar ngaqë Hashim Thaçi dhe Kadri Veseli janë arrestuar nga Gjykata Speciale.

    “Ne kemi punuar që z. Thaçi dhe z. Veseli, të gjithë ata që të cilët e kanë dëmtuar Kosovën të paguajnë çmimin në Kosovë. Do të thotë ne kemi qenë kundërshtarët më të zëshëm të Dhomave Speciale, e kemi dëshmuar me qindra aktivitete të vazhdueshme, jemi munduar që gjithë shoqërisë t’ia sqarojmë se çfarë është kjo që po ndodh në Kosovë, dmth krijimi i Gjykatës Speciale dhe besoj se në një masë ia kemi dalë edhe atëherë. Po të mos ishte Lëvizja Vetëvendosje, shumë procese në Kosovë do të kalonin heshturazi, shumë procese të dëmshme”, ka thënë Sveçla, i cili ka thënë se për këtë Lëvizja Vetëvendosje edhe ka paguar çmim.

    “Z. Thaçi dhe z. Veseli kanë për shumëçka për t’u dënuar në Kosovë. Kosova është vendi më i varfër në Evropë, Kosova është vendi që po zbrazet me të madhe nga i gjithë potenciali i saj, kryesisht nga rinia. Këto të bëma nuk na kanë ardhur prej qiellit, as nuk na i kanë sjellë të tjerët. Nëse një kohë ne mund të fajësonim UNMIK-un apo EULEX-in, tash kënd do ta fajësojmë prej shpalljes së pavarësisë deri sot? Normalisht, ata të cilët në njërën anë u stërpasuruan, kurse në anën tjetër dëmtuan substancën e kësaj shoqërie dhe të këtij shtetit. Ne jemi shumë transparent, ne kemi thënë se në momentin që ne vijmë në pushtet do të bëjmë çdo gjë që e vërteta të zbulohet për tërë këto vite dhe prandaj, jo pa qëllim, por me plan kemi punuar për procesin e vetingut i cili është mund të themi pika që i ka godit më së shumti këtë klikën politikën apo pushtetin që ka udhëheq me Kosovën tërë këto vite”, ka deklaruar Sveçla, i cili a thënë se Kosova ka humbur shumë potenciale derisa një grup njerëzish me rrethin e tyre familjar dhe një rreth të ngushtë, e kanë sjellë Kosovën në gjendjen në të cilën është.

    Prince Espresso miku më i mirë i yjeve të Sunny Hill Festival
    Nga Rubrika
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...
    Lajme29 Mars 2024
    Faturimi i rrymës ende s’ka filluar anipse më 9 dhjetor të 2023-tes, KEDS pati nënshkruar kontratë me Elektroserverin për të shpërndarë dhe...
    Lajme29 Mars 2024
    Komisioni për Buxhet, Punë dhe Transfere, si dhe ai për Administratë Publike, Pushtet Lokal, Media dhe Zhvillim Rajonal do të zhvillohen sot....
    Të tjera
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...

    FrontOnline, © 2024 Të gjitha të drejtat e rezervuara.