Lëvizja Vetëvendosje ka kërkuar sërisht shkuarjen e vendit në zgjedhje të parakohshme, pasi sipas partisë së Albin Kurtit, Qeveria aktuale e drejtuar nga Avdullah Hoti është e paligjshme.

Në një postim në mediat sociale thuhet se zgjedhjet në SHBA janë një tregues tjetër për domosdoshmërinë e mbajtjes së zgjedhjeve në Kosovë.

“Qeveria e Grenellit, e zotimeve të një kryeministri të pa ligjshëm duhet të shkarkohet sa më parë. Vendit i duhet një qeveri e re, me legjitimitet të plotë për të dalë nga kjo krizë e shumëfishtë me të cilën po përballet vendi. Vendit i duhet Qeveria Kurti”, shkruan Vetëvendosje në Facebook.

Ndryshe, ish-partneri i Vetëvendosjes në Qeverinë Kurti, LDK-ja dhe kryetari i saj Isa Mustafa janë shprehur kundër shkuarjes së vendit në zgjedhje të reja.