[wp-story]

Lajme

Vulin i quan përsëri shqiptarët “siptari”

Vulin i quan përsëri shqiptarët “siptari”
16:53 | 17 Nëntor 2020

Ministrat e Qeverisë së Serbisë kanë vazhduar me ofendime ndaj shqiptarëve. Ministri i Brendshëm i Serbisë, Aleksandar Vulin, duke folur pasi që është zgjedhur ministër në qeverinë e re të udhëhequr nga partia e Aleksandar Vuçiqit, mes tjerash ka thënë se ka ardhur në krye të kësaj ministrie për të vazhduar luftën kundër krimit dhe për të forcuar veçanërisht luftën kundër krimit të organizuar.

Por, në mediat në gjuhën serbe Vulin edhe kësaj radhe, nuk ka harruar të flasë për shqiptarët duke ofenduar rëndë, madje në mënyrë pezhorative duke përdorur termin “shqiptari”.

Kështu duke folur “për rrezikimin e oficerëve të policisë serbe në Zonën e Sigurisë Tokësore” me Kosovën, ministri i Punëve të Brendshme, Aleksandar Vulin, ka thënë se “bandat e shqiptarëve të Kosovës vazhdimisht po organizojnë vjedhjen e pyjeve në territorin e Serbisë”.

“Është e vështirë. Atje kemi banda të organizuara shqiptare që vjedhin pyjet, që kryejnë shkelje të ndryshme, bëjnë kontrabandë, janë të pajisur mirë, gjithmonë të armatosur dhe gjithmonë qëllojnë në drejtim të policisë tonë”, ka thënë ndër tjerash Vulin.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera