Presidenti serb Aleksandër Vuçiq ka thënë se marrëveshja e nënshkruar sot në Washington është e mirë për Serbinë derisa zbuloi edhe për diskutimet e brendshme që ndodhën atje.

“Shqiptarët thanë se do të nënshkruanin gjithçka nëse kthehej pika 10. Nuk ka njohje të ndërsjellë, serbët mund të qëndrojnë të qetë. Kur bëhet fjalë për Mini-Shengen, ata kishin disa kundërshtime, ata u përzien me Shenzhen, as ne dhe as amerikanët nuk e kuptuam vërtet”.

Vuçiq po ashtu ka thënë se marrëveshja nuk është trepalëshe, por mes Serbisë dhe SHBA-së.

“Kjo nuk është një marrëveshje trepalëshe, por një marrëveshje dypalëshe. Pala e tretë nuk njihet si subjekt i së drejtës ndërkombëtare”.