[wp-story]

Lajme

Vuçiq i përgjigjet Thaçit: Njohja e Kosovës nuk do të jetë temë në Uashington

Vuçiq i përgjigjet Thaçit: Njohja e Kosovës nuk do të jetë temë në Uashington
13:08 | 16 Qershor 2020

Njohja e Kosovës nuk do të jetë temë në Uashington, ka thënë sot presidenti serb, Aleksandar Vuçiq. Ai në këtë mënyrë iu përgjigj raportimeve se njohja reciproke do të jetë epilogu i marrëveshjes përfundimtare.

Vuçiq ka thënë se Serbinë e pret një periudhë e vështirë por se njohja reciproke nuk vjen në shprehje, shkruan Tanjug, transmeton Reporteri.

“Që Serbia e njeh Kosovën, më vjen turp që që në mënyrë serioze të përgjigjem në këtë pyetje. Në vjen turp ngase kjo flet për ata njerëz më shumë sesa për neve. Kjo as nuk do të jetë temë as që nuk do ta lejojmë. Por kjo flet më shumë se çka disa të tjerë do të bënin dhe çka veç kanë bërë. Pra nesh është një periudhë jo e lehtë, vjen emisari Lajçak. Me Putinin kam biseduar dje kemi pasur një bisedë të thellë, ta shohim si do të shkojë”, u shpreh ai.

Kujtojmë se presidenti i Kosovës, Hashim Thaçi gjatë ditës ka thënë se Washingtoni e ka të qartë se procesi i bisedimeve është për njohje reciproke.

Ndërkohë sot për vizitë në Kosovë po qëndron përfaqësuesi special i BE-së Miroslav Lajçak. Ai pasdite pritet të takohet me kryeministrin Avdullah Hoti dhe kryeparlamentaren Vjosa Osmani.

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera