Presidenti i Serbisë, Aleksandër Vuçiq është deklaruar për herë të parë rreth takimit që do të zhvillohet me 27 qershor në Shtëpinë e Bardhë.

Ai ka thënë se njohja e Republikës së Kosovës nuk do të jetë temë diskutimi, transmeton Indeksonline

“Ne do të shohim nëse shqiptarët do ta respektojnë atë që tha Richard Grenel për mos-kandidimin në organizata ndërkombëtare. Hashim Thaçi nuk e dëshironte këtë. Kam folur për këtë për katër vjet, dhe tani ai papritmas e ka pranuar atë”, është shprehur Vuçiq.

Ndryshe, presidenti i vendit Hashim Thaçi bashkë me kryeministrin Avdullah Hoti, do ta përfaqësojnë Republikën e Kosovës në Shtëpinë e Bardhë.

Thaçi dhe Hoti merret vesh se kanë diskutuar rreth takimit të Uashingtonit dje gjatë takimit të parë të përbashkët të zhvilluar në Presidencë.

Vlen të theksohet se emisari special Richard Grenell konfirmoi se pala kosovare dhe ajo serbe janë ftuar në Shtëpinë e Bardhë në Uashington, për një diskutim rreth dialogut.