Bota/Rajoni

Vritet në gjykatë pakistanezi që pretendonte se është profet i Islamit

Vritet në gjykatë pakistanezi që pretendonte se është profet i Islamit
16:27 | 29 Korrik 2020

Një pakistanez, i cili ishte duke u gjykuar për blasfemi, është qëlluar për vdekje brenda objektit të një gjykatë në qytetin veriperëndimor të Pakistanit, Peshawar.

Nu kështë e qartë se si vrasësi në moshë të re, i quajtur Khalid Khan, ka arritur të futet në gjykatë, pavarësisht masave të rrepta të sigurisë. Sulmuesi u arrestua menjëherë, shkruan “Free Europe”.

Personi i arrestuar i tha policisë se është urdhëruar nga profeti Muhamed që ta vrasë njeriun e akuzuar për blasfemi, sepse ai i përkiste sektit Ahmadi.

Komuniteti Ahmadi përbëhet nga katër milionë njerëz dhe i përket pakicës fetare të Pakistanit. Ky komunitet është përballur me vdekje, kërcënime, frikësim dhe fushatë të urrejtjes për dekada të tëra.

Pjesëtarët e këtij komuniteti këmbëngulin se i përkasin fesë islame, por Pakistani e shpalli këtë grup jomysliman në vitin 1974, për se ky komunitet e cilësonte themeluesin e sektit, Ghulam Ahmad, si profet.

Personi i vrarë sot në gjykatë ishte arrestuar para dy vjetëve pasi kishte pretenduar se është profet i Islamit.

Në bazë të ligjit pakistanez për blasfeminë, të gjithë personat e shpallur fajtorë për fyerje ndaj Zotit, Islamit apo figurave fetare, dënohen automatikisht me vdekje.

Sipas mësimeve të fesë islame, nuk ka profet tjetër pas profetit Muhamed.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera