Lajme

Vrasja e shtatzënës, suspendohen 4 zyrtarë policor

Vrasja e shtatzënës, suspendohen 4 zyrtarë policor
14:55 | 03 Dhjetor 2022

Katër zyrtarët policor në Stacionin Policor në Lipjan janë suspenduar.

Këtë e ka bërë të ditur ministri i Punëve të Brendshme, Xhelal Sveçla, përmes një postimi në profilin e tij në rrjetin social Facebook.

Ai ka thënë se, IPK ka rekomanduar suspendimin e 4 zyrtarëve policor nga Stacioni Policor në Lipjan ndërsa nga Drejtoria Rajonale e Prishtinës është zbatuar ky rekomandim.

Postimi i tij i plotë:

Në takimin e mbrëmshëm të ftuar nga Presidentja kam njoftuar se IPK është në fazën e fundit të hetimeve ndaj zyrtarëve policor që janë angazhuar në gjithë rastin e tashmë të ndjerës Hamide Magashi, veçanërisht për pjesën e zbatimit të Urdhërit Mbrojtës nga Stacioni Policor në Lipjan.

Sapo jam njoftuar se nga hetimet e deritashme ka rezultuar se ka dyshime të bazuara për veprat penale “Keqpërdorim i pozitës dhe autoritetit zyrtar” dhe “Falsifikim i dokumentit zyrtar”.

Me këtë rast, IPK ka rekomanduar suspendimin e 4 zyrtarëve policor nga Stacioni Policor në Lipjan ndërsa nga Drejtoria Rajonale e Prishtinës është zbatuar ky rekomandim.

Po ashtu, të gjeturat e deritanishme do të përcillen në prokurori për trajtim penal.

Si të kurseni mbi 350 kilovatë/orë në muaj me një investim të thjeshtë, tregon Idriz Ferati, drejtor i Auditimit në…

Të tjera